काठमाडौँ । प्रवासी नेपाली नागरिक तथा देशभित्र गृहजिल्ला बाहेकका जिल्लामा बसोबास गरिरहेका नेपालीलाई मताधिकारको व्यावहारिक पहुँच प्रदान गर्नुपर्ने माग गर्दै नेपाल जेनजी फ्रन्टले निर्वाचन आयोगलाई मागपत्र बुझाएको छ ।
सरकारले कानुनी तथा प्राविधिक जटिलताको बहानामा संवैधानिक हकबाट बञ्चित गर्न नहुने माग गर्दै फ्रन्टका अभियान समिति सदस्य अमृता वन, कर्णाली प्रदेश सम्पर्क व्यक्ति बिनिता बोगटी, फ्रन्टका सदस्य ऋषि थापा, नवीन विष्ट, आदर्श कर्ण, डायमण्ड शाहीलगायतले आयोगमा उपस्थित भई मागपत्र बुझाएका हुन् ।
आगामी प्रतिनिधिसभा निर्वाचनदेखि नै प्रवासी नेपालीलाई मतदान गर्न पाउने व्यवस्था तत्काल लागू गर्नुपर्ने उनीहरूको माग छ ।
लेखकको बारेमा
प्रतिक्रिया