काठमाडौँ। गृहमन्त्री ओमप्रकाश अर्यालले भोलि हुने प्रतिनिधि सभा सदस्य निर्वाचनका लागि भयरहित वातावरणमा मतदान गर्न पाउने अधिकार सुनिश्चित गरेको बताएका छन् ।

आज पत्रकार सम्मेलन गरेर गृहमन्त्री अर्यालले सुरक्षा संयन्त्र मतदान स्थलसम्म पुगिसकेको बताएका छन् ।

उनले निर्वाचन स्वच्छ र धाँधलीरहित हुने बताएका छन् । उनले भोलि मतदान भइसकेपछि मतपेटिकाको बाकस गाडीमा राखेर निर्वाचन अधिकृतको कार्यालयमा ल्याउने क्रममा सुरक्षा योजनामाअनुसूचीमा लेखेअनुसार हुने बताए । ‘गाडीको सबैभन्दा अगाडि ड्राइभर र मतदान अधिकृत बस्छ। त्यसपछि मतपेटिका हुन्छ। प्रहरी हुन्छ। प्रहरीभन्दा पछाडि उम्मेदवारका प्रतिनिधिहरू हुन्छन्। अरू सशस्त्र प्रहरी बल, नेपाल प्रहरीको गाडीले, आवश्यक पर्‍यो भने नेपाली सेनाको गाडीले पनि स्कर्टिङ गर्न सक्छ।’