काठमाडौं ।  नेपाल राष्ट्र बैंकले बिहीबारका लागि सार्वजनिक गरेको विदेशी मुद्रा विनिमयदर अनुसार अमेरिकी डलरको मूल्य फेरि उकालो लागेको छ। आज एक अमेरिकी डलर खरिद गर्दा १५४ रुपैयाँ ६२ पैसा र बिक्री गर्दा १५५ रुपैयाँ २२ पैसा तिर्नुपर्ने भएको छ। पछिल्ला दिनमा डलर बलियो बन्दै जाँदा नेपाली बजारमा यसको प्रभाव देखिन थालेको छ।

युरोपियन युरोको खरिददर १७९ रुपैयाँ ३१ पैसा र बिक्रीदर १८० रुपैयाँ ०१ पैसा कायम हुँदा बेलायती पाउण्ड २०७ रुपैयाँभन्दा माथि पुगेको छ। त्यसैगरी स्वीस फ्र्याङ्क, अष्ट्रेलियन डलर, क्यानेडियन डलर तथा सिङ्गापुर डलरको मूल्य पनि उच्च दरमै कायम रहेको राष्ट्र बैंकले जनाएको छ। एसियाली मुद्रातर्फ जापानी येन, चिनियाँ युआन, यूएई दिराम र कतारी रियालमा सामान्य वृद्धि देखिएको छ। भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा निर्धारण गरिएको छ।

त्यस्तै, कुवेती दिनार, बहराइन दिनार र ओमानी रियाल सबैभन्दा महँगा विदेशी मुद्रामध्ये परेका छन्। राष्ट्र बैंकले आवश्यकताअनुसार विनिमयदर जुनसुकै बेला संशोधन हुन सक्ने जनाएको छ। साथै वाणिज्य बैंकअनुसार दर फरक पर्न सक्ने भएकाले अद्यावधिक विवरण राष्ट्र बैंकको वेबसाइटबाट हेर्न आग्रह गरिएको छ।