नेपाली राष्ट्रिय क्रिकेट टिमले आफ्नो तेस्रो खेलमा आज समूह ‘सी’ मा अपराजित टोली वेस्टइन्डिजसँग प्रतिस्पर्धा गर्दैछ। मुम्बइको वानखेडे मैदानमा बिहान ११:१५ बजे सुरु हुने खेलमा नेपालले यसअघिको उतार–चढावलाई भुलेर मैदानमा उत्रने तयारी गरेको छ। तर इंग्ल्यान्डविरुद्धको उत्कृष्ट प्रदर्शन र इटालीसँगको अप्रत्याशित हारले टोलीमा दबाब सिर्जना गरेको छ।
गत सेप्टेम्बरमा शारजहामा नेपालले वेस्टइन्डिजलाई २–१ ले पराजित गर्दै इतिहास रचेको थियो। तर यसपटक वेस्टइन्डिजको टोलीमा धेरै नयाँ खेलाडी छन् भने केवल हुसैन र जेसन होल्डरले पूर्व अनुभव राखेका छन्। समूहका बलिया टोली इंग्ल्यान्ड र स्कटल्यान्डलाई पराजित गरेको वेस्टइन्डिज यसपटक पनि शीर्ष आठमा स्थान पक्का गर्न उत्साहित छ।
नेपालका प्रशिक्षक स्टुअर्ट लले सामाजिक सञ्जालबाट आउने दबाब र उच्च अपेक्षाबारे टोलीलाई सचेत गराइसकेका छन्। कप्तान रोहित पौडेल ज्वरोबाट सन्चो भएपछि खेलमा फर्कने तयारीमा छन्। बिहानको खेल भएकाले टिम पहिले ब्याटिङ गर्ने उत्साहित हुने अनुमान गरिएको छ।
वेस्टइन्डिजको संभावित टोली: ब्रान्डन किङ, शाइ होप (कप्तान), शिमरोन हेटमायर, रोस्टन चेस, शेरफेन रुदरफोर्ड, रोभमन पाउल, जेसन होल्डर, रोम्यारियो शेफर्ड, अकील होसेन, गुडाकेश मोटाइ, शमार जोसेफ
नेपालको संभावित प्लेइङ ११: कुशल भुर्तेल, आसिफ शेख (विकेटकिपर), रोहित पौडेल (कप्तान), दिपेन्द्र सिंह ऐरी, आरिफ शेख, लोकेश बम, गुल्सन झा, करण केसी, नन्दन यादव, सन्दीप लामिछाने, ललित राजवंशी
बिहानको खेलमा तापक्रम ३० डिग्री सेल्सियसभन्दा माथि पुग्ने अनुमान गरिएको छ। नेपाल समर्थकहरूले पनि टोलीबाट उत्कृष्ट प्रदर्शनको अपेक्षा राखेका छन्।
लेखकको बारेमा
प्रतिक्रिया