बाँकेको कोहलपुर नगरपालिका–३ शान्तिटोलमा निर्माणाधीन सेप्टिक ट्याङ्कीमा फसेर तीन जना मजदुरको मृत्यु भएको छ।

स्थानीय दयाप्रसाद थारुको डीबीसी भई पिलर उठाइएको घरको आँगनमा निर्माणाधीन सेप्टिक ट्याङ्कीमा आज बिहान करिब ९ बजे फसेका बाँकेको कोहलपुर नगरपालिका–३ बस्ने अन्दाजी ४० वर्षीय कालु थारु, अन्दाजी २६ वर्षीय प्रकाश थारु र अन्दाजी ३३ वर्षीय बिर्जा थारुको मृत्यु भएको हो ।

प्रहरीले जेसीबीको सहायताले सेप्टिक ट्याङ्की फुटाएर तिनै जनालाई मृत अवस्थामा बाहिर निकालेको थियो। घटनाबारे थप अनुसन्धान भइरहेको छ।