काठमाडौँ । सरकारले सिफारिस गरेका अध्यादेशहरूको विरोध गर्दै संसद्मा रहेका प्रमुख चार विपक्षी दलहरूले चार बुँदे माग अघि सारेका छन् ।
नेपाली कांग्रेस संसदीय दलका नेता भीष्मराज आङदेम्बेको अध्यक्षतामा बसेको विपक्षी दलहरूको बैठकले सरकारले विभिन्न ऐनहरू संशोधन गर्न सिफारिस गरेका अध्यादेशहरूप्रति आपत्ति जनाएको छ ।
नेपाली कांग्रेस, नेकपा एमाले, नेपाली कम्युनिस्ट पार्टी र राष्ट्रिय प्रजातन्त्र पार्टीको बुधबार बसेको संयुक्त बैठकले सरकारको पछिल्लो कदमलाई असंसदीय र अलोकतान्त्रिक भन्दै राष्ट्रपतिलाई समेत ती अध्यादेशहरू स्वीकृत नगर्न दबाब दिएका हुन्।
सरकारले संवैधानिक परिषद्को काम कर्तव्य र अधिकार सम्बन्धी ऐन २०६६, सहकारी ऐन २०७४, स्वास्थ्य विज्ञान प्रतिष्ठान, विश्वविद्यालय र केही नेपाल कानुन संशोधन गर्न बनेका अध्यादेशहरू जारी गर्न राष्ट्रपति समक्ष सिफारिस गरेको थियो ।
लेखकको बारेमा
प्रतिक्रिया