काठमाडौँ । राष्ट्रियसभाका अध्यक्ष नारायणप्रसाद दाहालले प्रदेश र स्थानीय तहलाई काम गर्ने वातावरण बनाउनुपर्ने बताएका छन् ।
शनिबार अन्तर व्यवस्थापिका मञ्चले टीकापुरमा आयोजना गरेको अन्तर व्यवस्थापिका सम्मेलनलाई सम्बोधन गर्दै उनले स्थानीय र प्रदेशसँग सङ्घीय सरकारको समन्वय नपुगेको गुनासोलाई सङ्घीय संसद्ले सम्बोधन गरेर अगाडि बढ्नुपर्नेमा जोड दिएका छन् ।
सङ्घले आवश्यक कानुन नबनाउँदा प्रदेश र स्थानीय तहलाई समस्या भएको स्वीकार गर्दै उनले संवैधानिक अधिकारसहित प्रदेश र स्थानीय तहलाई काम गर्ने वातावरण बनाउनुपर्ने बताए ।
सम्मेलनमा सङ्घीय संसद्का दुवै सदन र सात वटै प्रदेशसभाका सभामुख सहभागी रहेका छन् । सम्मेलन भोलि सम्पन्न हुनेछ ।
लेखकको बारेमा
प्रतिक्रिया