कञ्चनपुरको भीमदत्त नगरपालिका– १० तिल्केनीस्थित शान्ति सामुदायिक वनमा एक युवतीको शव भेटिएको छ ।

अर्धनग्न अवस्थामा वनभित्रको खोजानजिक अन्दाजी २५ वर्षकी युवतीको शव भेटिएको जिल्ला प्रहरी कार्यालयले जनाएको छ ।

कार्यालय प्रमुख प्रहरी उपरीक्षक खडकबहादुर खत्रीले मृत फेला परेकी युवतीको सनाखत हुन नसकेको बताए । ‘शव सड्न लागेको अवस्थामा भेटिएको छ,’ प्रहरी उपरीक्षक खत्रीले भने, ‘१०–१५ दिनअघिको घटना हुनसक्छ ।’

प्रहरी उपरीक्षक खत्रीले घटनाको अनुसन्धान भइरहेको जानकारी दिए । स्थानीयले युवतीको शरीरमा चोटपटक देखिएकोले घटना शंकास्पद भएको बताएका छन्