काठमाडौँ । विराटनगरले जनकपुर बोल्टसलाई जारी एनपीएलमा ९ रनले पराजित गरेको छ ।
विराटनगर किंग्सले निकै रोमान्चक खेलमा जनकपुर बोल्ट्सलाई हराउँदै नेपाल प्रिमियर लिगमा अपराजित यात्रा कायम गरेको छ ।
जनकपुरले भने लगातार दोस्रो खेलमा हार बेहोरेको छ । विराटनगरले दिएको १३६ रनको लक्ष्य पछ्याएको जनकपुर बोल्ट्सले पुरै २० ओभरमा खेल्दा ९ विकेट गुमाएर १२६ रन मात्र बनाउन सक्यो ।
जनकपुरका लागि लफ्टी इतनले ४२ रन बनाए । विराटनगरका लागि कप्तान सन्दीप लामिछानेले ४ विकेट लिए । सूर्य तामाङले ३ विकेट लिए ।
लेखकको बारेमा
प्रतिक्रिया