काठमाडौं । मलेसियाले नेपाललाई ८३ रनको लक्ष्य प्रस्तुत गरेको छ ।
टी–२० अन्तर्राष्ट्रिय श्रृंखला अन्तर्गतको खेलमा मलेसियाले नेपाल सामु ८३ रनको लक्ष्य प्रस्तुत गरेको हो
शुक्रबार मलेसियाको क्वालालम्पुरस्थित बायोमास ओभल क्रिकेट रंगशालामा टस जितेर ब्याटिङ रोजेको घरेलु टोलीले नेपालविरुद्ध निर्धारित २० ओभरमा ९ विकेट गुमाएर ८२ रनको योगफल खडा गर्न सफल भएको छ ।
मलेसियाका ओपनर आइना हशिमले १७ रन बनाएकी थिइन भने धनुश्री मुहूनानले १५ र नुर एरिएना नाट्स्याचले १३ रन बनाइन् ।
नेपालकी कविता कुँवर, रुविना क्षेत्री र रिया शर्माले समान २–२ विकेट लिन सफल भए पनि पुजा महतो र शिता मगरले समान एक विकेट लिन सफल भएका थिए ।
जारी खेलमा नेपाल दोस्रो जित निकाल्दै श्रृंखला जित्ने लक्ष्यमा छ । नेपालले यसअघि भएको पहिलो खेलमा २ विकेटको जित निकालेको थियो ।
नेपालले एसियन गेम्सको छनोट प्रतियोगिताको पूर्वसन्ध्यामा घरेलु टिमसँग शृंखला खेलेको हो ।
लेखकको बारेमा
प्रतिक्रिया